Masaj günümüzdə effektiv müalicə növüdür, həmçinin onun vasitəsilə yorğunluğu götürmək, orqanizmi sağlamlaşdırmaq və müxtəlif xəstəliklərin profilaktikası mümkündür. Masajın əsasında nerv-reflektor, humoral və mexaniki proseslər yer alır. Nerv-refloktor mexanizmin mahiyyəti dəri, əzələ, damar və digər orqanların nerv sonluqlarının qıcıqlandırılmasındadır. Bu isə müxtəlif orqanların funksional vəziyyətini dəyişdirir, reaktivliyini və ətraf mühitə qarşı davamlılığını artırır.

Masajın təsiri altında dəridə yüksək aktivliyə malik maddələr canlanır (humoral müxanizm). Masaj dərinin qan dövranını artıraraq onu elastik edir. Dərinin mexaniki və temperatur təsirlərinə qarşı müqaviməti artır. Dəri-əzələ tonusunu artıraraq masaj dərinin görünüşünə dəyişir, hamar və elastik edir.

Masajın təsiri altında damarlarda və damar ətrafı toxumalarda qan dövranı yaxşılaşır. Həmçinin masaj periferik və mərkəzi sinir sisteminə təsir edir. Dəri masajı zamanı mərkəzi sinir sistemi mexaniki qıcıqlanmaya ilk reaksiya verir. Mütəmadi masaj tənəffüs sisteminədə müsbət təsir edir.

Masaj Terapiyası bir sıra üstünlüklər təklif edir:

• Masaj, əzələ gərginliyini azaltmaq və ağrıları aradan qaldırmağa kömək edir.
• Masaj, bədənin elastikliyini artırır.
• Masaj həmçinin məşqdən sonra sağalma vaxtını azaltmağa kömək edir.
• Dayaq-hərəkət sistemi balansının bərpası masajla mümkündür.
• Stress və narahatlığın azaldılması üçün masaj ən doğru seçimdir.
• Oynaqların hərəkətliliyinin yaxşılaşdırılması, limfa sisteminin stimullaşdırılmasına kömək edir.